काठमाडौं, २१ भदौ– नेकपा माओवादी केन्द्रको हेटौंडा उपमहानगरकी अध्यक्ष तथा जिल्ला सचिवालय सदस्य नमुना पाण्डे नेकपा (एमाले) मा प्रवेश गरेकी छन् ।
बुधबार (हिजो) भक्तपुरस्थित नेकपा (एमाले) अध्यक्ष केपी शर्मा ओली निवास बालकोट पुगेर पाण्डे पार्टी प्रवेश गरेकी हुन् । उनलाई अध्यक्ष ओलीले खादा लगाएर पार्टीमा स्वागत गरेका थिए । उनले देशमा एमाले मात्रै कम्युनिष्ट पार्टी रहेको बुझेर आफू एमालेमा प्रवेश गरेको बताएकी थिइन् ।