सुन प्रकरणको निष्पक्ष छानबिनको माग गर्दै संसदमा रास्वपाको जरुरी सार्वजनिक महत्वको प्रस्ताव

काठमाण्डौ, १० साउन– राष्ट्रिय स्वतन्त्र पार्टीले अवैध सुन आयात प्रकरणको निष्पक्ष छानबिनको माग गर्दै प्रतिनिधि सभामा जरुरी सार्वजनिक महत्वको प्रस्ताव लगेको छ ।

‘भन्सारबाट एक क्विन्टल सुन कसरी पास भयो भन्ने विषयमा प्रश्न छ । यस सम्बन्धमा निष्पक्ष छानबिन हुन पर्योस भनेर जरुरी सार्वजनिक महत्वको प्रस्ताव सभामुखलाई बुझाएका छौं, सांसद मनिष झाले भने ।’

गृहमन्त्री र अर्थमन्त्रीको राजीनामा माग्ने जस्तो उग्र राजनीति नगरी सुन प्रकरणको छानबिनको माग गर्दै लोकतान्त्रिक पद्धतिलाई सहयोग गर्नका लागि प्रस्ताव लगेको उनले जानकारी दिएका छन ।प्रस्तावमा २० जना सांसदको हस्ताक्षर गरेका छन ।