काठमाडौंको फोहोर विसर्जन गर्न स्थानीयले आज पनि अवरोध गरे

काठमाडौं महानगरपालिकाले जनाए अनुसार बन्चरेडाँडामा काठमाडौंको फोहोर विसर्जन गर्न स्थानीयले आज पनि अवरोध गरेका छन्।

स्थानीयले आज पनि फोहोर फाल्न रोकेकोमहानगरपालिकाका सिसडोल ल्याण्डफिल साइट इन्चार्ज सरकारदीप श्रेष्ठले बताए । ‘अगाडि अवरोध छ, गाडीहरु रोकिराख्या छन्,’ श्रेष्ठले भने, ‘कसरी अगाडि बढ्ने भनेर छलफल भइरहेको छ ।’

फोहोर विसर्जन गर्न स्थानीयवासीसँग समन्वय नगरेको भन्दै हिजो पनि स्थानीयले अवरोध गरेका थिए । त्यसपछि फोहोर विसर्जन गर्न प्रहरीले बल प्रयोग गरेको थियो । प्रहरीले धरपकड गरेको भन्दै स्थानीय आक्रोशित भएका थिए ।