काठमाडौँ, नेपाल चिकित्सक संघ र आवासीय चिकित्सक संघले आन्दोलनका सबै कार्यक्रम फिर्ता लिएका छन् ।
डा गोविन्द केसी र सरकारबीच सहमति भएसँगै सबै आन्दोलनका कार्यक्रम फिर्ता गरिएको संघका महासचिव डा बद्री रिजालले जारी गरेको विज्ञप्तिमा उल्लेख छ ।
यस्तै, आवासीय चिकित्सकहरुले पनि आजदेखि गर्ने भनिएका आन्दोलनका सबै कार्यक्रम फिर्ता लिएका छन् ।
नेसनल रेजिडेन्ट डाक्टर्स एशोसियसन, रेजिडेन्ट एशोसियसन अफ न्याम्स र जुनियर रेजिडेन्ट वेलफेयर सोसाइटीले संयुक्त विज्ञप्ति जारी गर्दै सबै कार्यक्रम फिर्ता लिएको जनाएका हुन्।
शनिबार राति सरकारी पक्ष र डा केसी प्रतिनिधिबीच ८ बुँदे सहमति भएको थियो।