सोलुखुम्बु, सोलुखुम्बुको सोताङबाट विप्लब माओबादीका एक कार्यकर्तालाई गोलीलगायतका सामाग्रीसहित प्रहरीले पक्राउ गरेको छ।
शुक्रबार विप्लब माओबादीको नामबाट अपरचित व्यक्तिले फोनबाट धम्की दिदै जनप्रतिनिधि र स्थानीय व्यापारीहरुबाट चन्दा उठाउने गरेको सुराकीको आधारमा ईलाका प्रहरी चौकी सोताङ र प्रहरी चौकी पावैबाट परिचालित प्रहरीको संयुक्त टोलीले सोताङ गाउँपालिका १ को जंगलमा चेकजाँच गर्दैगर्दा महाकुलुङ गाउँपालिका १ बुङकाङिमा शेर्पा पक्राउ गरेका हुन्। गस्तीमा रहेका प्रहरीलाई देखेपछि भागेका शेर्पालाई प्रहरीले नियन्त्रणमा लिएको थियो।
