सप्तरी, लुकाइछिपाइ राखिएको पटाका गएराति प्रहरीले राजविराजस्थित नेताचोकबाट बरामद गरेको छ।
जिल्ला प्रहरी कार्यालयबाट खटिएको प्रहरीको टोलीले विशेष सूचनाको अधारमा सप्तरीको राजविराज नगरपालिका–४ स्थित नेताचोकबाट पटकाहरु बरामद गरिएको प्रहरी नायब उपरीक्षक तिलक भारतीले जानकारी दिनु भयो ।
बेवारिसे अवस्थामा लुकाइएको पटाकाहरु विशेष सूचनाको आधारमा जिल्ला प्रहरी कार्यालय सप्तरीको टोलीले जाँच गर्दा विभिन्न ब्राण्डका पाँच बोरा अन्दाजी एक लाख ५० हजार रुपैयाँ बराबरको पटाकाहरु बरामद गरिएको प्रहरीले जनाएको छ ।
जिल्ला प्रहरी कार्यालयमा बरामद गरिएको उक्त परिणामका पटाकालाई आजै नष्ट गरिने तयारी भइरहेको प्रहरीले जनाएको छ।
