गुल्मी , गुल्मीको मुसिकोट नगरपालिका–५, अन्तर्गत दोभान छल्दीमा खोला तर्ने क्रममा मंगलबार दिउँसो एक बालिकासहित दुई जना बेपत्ता बनेका छन् । खोला तर्ने क्रममा डुबेका तीन जनामध्ये एक जना बालकको सकुशल उद्धार गरिएको छ ।
खोला तर्ने क्रममा डुबेका ७ वर्षीय किसान विकलाई माछा मार्न गएका स्थानीयहरुले तत्काल उद्धार गर्न सफल भएका थिए भने उनीसँगै गएका २१ वर्षीय जीवन विक र ५ वर्षीया गरिमा विक अझै बेपत्ता छन् । खोलामा डुबेकाहरुको स्थानीयवासी र सुरक्षाकर्मीहरुद्वारा खोजी कार्य भैरहेको बताइएको छ ।
