एजेन्सी
टोकियो , जापानको एक भिडियो गेम कम्पनी लेबल–५ ले एक रोचक नक्कली ब्वाइफ्रेन्ड तयार पारेको छ ।
खासगरी एक्लोपनबाट दिक्क हुने महिला तथा युवतीलाई लक्षित गर्दै यस्तो ‘टेक्नोेलोजी’ तयार पारिएको कम्पनीले जनाएको छ । जसको साथमा उनीहरु अंकमाल गर्दै तनाब भगाउन सक्ने बताइएको छ । साथै उनीहरु ती ब्वाइफ्रेन्डलाई आफूखुसी कतै लैजान पनि सक्छन् ।
जस्तो कि, थिएटर, रेष्टुरेन्ट, सपिङ कम्प्लेक्स जस्ता सार्वजनिक स्थलमै । यस्तो नयाँ प्रविधिको नाम ‘ब्वाइफ्रेन्ड हग स्पीकर्स’ दिइएको छ । रोचक त के भने, यस्तो ब्वाइफ्रेन्डलाई अंकमाल गरेपछि आफैँ संगीत बज्छ ।
