पत्रकार हुमागाईँको निधन

नेपालभूमि साप्ताहिकका संस्थापक सम्पादक तथा साहित्यकार रामचन्द्र हुमागाईँको ६५ वर्षको उमेरमा निधन भएको छ।

कलेजोको समस्याबाट पीडित हुमागाईंको निधन आइतबार ललितपुरको सानेपास्थित ज्येष्ठ नागरिक केयर होममा भएको हो। पशुपति आर्यघाटमा आइतबार नै उनको अन्त्येष्टि गरिएको छ। दिवङ्गत हुमागाईँ को एक छोरा र एक छोरी छन्। हुमागाईं क्रान्तिकारी पत्रकार महासंघ का केन्द्रीय सल्लाहकार थिए।