असार २०, काठमाडौं ।
कैलालीको टीकापुर अस्पतालमा मंगलबार विहान जन्म भएको अनौठो शिशुको पाँच घण्टापछि मृत्यु भएको अस्पतालले जानकारी दिएको छ ।
टीकापुर अस्पतालका मेडिकल सुपरिटेन्डेन्ट डा. नरेन्द्र खनालले जन्मदा नै बच्चाको अवस्था एकदमै नाजुक रहेकाले जन्मेको ५ घण्टापछि मृत्यु भएको जानकारी दिए ।
छ महिनामै जन्मेको उक्त शिशुको जन्मिदानै चार हात, चार खुट्टा र दुईओटा मेरुदण्ड थिए ।
टीकापुर अस्पताल नजिकै रहेको कमैया शिविरकी-२२ वर्षीया शान्ति चौधरीले उक्त बच्चालाई मंगलबार विहान ६ बजे जन्म दिएकी थिइन् ।
