असार ५, काठमाडौं । एजेन्सी
साउदी अरबको वायुरक्षा प्रणालीले संकटग्रस्त यमनबाट प्रहार गरिएको एक ब्यालिस्टिक क्षेप्यास्त्रलाई बीचमै नष्ट गरिदिएको छ ।
आधिकारिक साउदी प्रेस एजेन्सीले एक बयानमा क्षेप्यास्त्र दक्षिणी जिजान शहरलाई तारो बनाएर प्रहार गरिएको बतायो । त्यसमा एक पाकिस्तानी नागरिक घाइते भएका छन् ।
इरानसमर्थित हूती विद्रोहीहरूले समाचार केन्द्र अल मसीरामार्फत दाबी गरेअअनुसार, जिजानस्थित एक सैन्य शिविरलाई निशाना बनाइएको थियो ।
साउदीको सरकारी मिडियाले आइतवार साउदीको हवाई रक्षा सेवाले जिजानलाई निशाना बनाइएर प्रहार गरिएको अर्को क्षेप्यास्त्रलाई नष्ट गरिएको बताएको छ ।