जेठ १४, काठमाडौं ।
बोगटान गाउँपालिका-६ गगुडा पलाडीमा जीप दुर्घटना भएको छ ।
दिपायलबाट गगुडा पलाडी जाँदै गरेको से१ज ८७७ नं. को जीप दुर्घटना हुँदा चालकसहित चार जनाको मृत्यु भएको स्थानीय केशवबहादुर बोगटीले जानकारी दिएका छन् । ९ जना घाइते भएका छन् । दुर्घटना स्थलमा प्रहरी आइपुगेको छैन ।
जिल्ला प्रहरी कार्यालय डोटीले पनि कार्यालयमा ४ जनाको मृत्यु भएको जानकारी अाएको बताएको छ । तर, घटनास्थलमा पुग्न ४ घण्टा लाग्ने भएकोले अाधिकारिक जानकारी भने नभएको प्रहरीले जानकारी दिएको छ ।
घाइतेहरूको स्थानीयवासीले उद्दार गरी अस्पताल पठाइसकेको बताएका छन्र ।
दुर्घटना भएलगत्तै प्रहरीको टोली घटना स्थलतर्फ हिँडेको छ । दुर्घटनास्थल जिल्ला सदरमुकामबाट ३५ किलोमिटर टाढा छ ।
