जेठ ७, काठमाडौं ।
पूर्वी चितवनमा गैंडाको आक्रमणबाट एकजना घाइते भएका छन् ।
रत्ननगर नगरपालिका १० मंगलपुरस्थित पञ्चकन्या सामुदायिक वनमा घाँस काट्न गएका स्थानीय ५५ वर्षीय पदमबहादुर तामाङ गैंडाको आक्रमणमा परी घाइते भएका हुन् ।
दाहिने खुट्टामा चोट लागेका तामाङको अवस्था खतरामुक्त रहेको जिल्ला प्रहरी कार्यालय चितवनले जानकारी दिएको छ ।
उनको पुरानो मेडिकल कलेजमा उपचार भइरहेको छ ।