रुपन्देही, वैशाख ६ – रुपन्देहीको तिलोत्तमा नगरपालिका–२ स्थित मणिमुकुन्द खेलमैदानमा आजदेखि ९औं मणिमुकुन्द भलिबल कप प्रतियोगिता सुरु भएको छ। प्रतियोगिताको उद्घाटन खेल आयोजक मणिमुकुन्द भलिबल क्लब र भारतको गुजरातस्थित SAG Volleyball Academy बीच साँझ ६ बजे हुने तय गरिएको छ।
यो प्रतियोगिता नेपालको राष्ट्रिय तथा अन्तर्राष्ट्रिय स्तरका भलिबल टोलीहरूलाई एउटै मञ्चमा प्रतिस्पर्धा गराउने उद्देश्यले आयोजना गरिएको हो। आयोजक क्लबका अनुसार प्रतियोगिताले स्थानीय स्तरमा खेलकुदको विकासमा समेत टेवा पुर्याउनेछ।
सहभागी टोलीहरू
प्रतियोगितामा कुल ९ टोली सहभागी छन्, जसमा नेपाली सुरक्षाकर्मीका टोलीदेखि प्रदेशस्तरीय टिम र भारतीय पाहुना टिमसम्म छन्। सहभागी टिमहरू यसप्रकार छन्:
-
त्रिभुवन आर्मी क्लब
-
नेपाल पुलिस क्लब
-
नेपाल एपीएफ क्लब
-
गण्डकी भलिबल संघ
-
कोशी प्रदेश भलिबल संघ
-
गलकोट भलिबल क्लब, बागलुङ
-
सुदूरपश्चिम खेलकुद परिषद्
-
मणिमुकुन्द भलिबल क्लब (आयोजक)
-
SAG Volleyball Academy, भारत
पुरस्कार राशी तथा सम्मान
प्रतियोगिताका उत्कृष्ट प्रदर्शन गर्ने टिम तथा खेलाडीहरूलाई निम्नअनुसार नगद पुरस्कार प्रदान गरिनेछ:
विजेता टिम: रु. ३,११,१११ नगद, ट्रफी, मेडल र प्रमाणपत्र
उपविजेता: रु. २,११,१११ नगद
तेस्रो स्थान: रु. १,११,१११ नगद
️ सान्त्वना टिम: रु. ६६,६६६ नगद
त्यस्तै, व्यक्तिगत प्रदर्शनका आधारमा आठ फरक विधामा नगद पुरस्कारसहित खेलाडी तथा प्रशिक्षकहरूलाई सम्मान गरिनेछ। क्लबका अध्यक्ष लोकेन्द्र भण्डारीका अनुसार उत्कृष्ट स्पाइकर, सेटर, डिफेन्डर, प्रशिक्षक, उदाउँदै गरेका खेलाडी जस्ता विधामा छुट्टाछुट्टै पुरस्कार प्रदान गरिनेछ।
प्रतियोगिता प्रत्यक्ष प्रसारण
खेलप्रेमीहरूले प्रतियोगिता स्थलमै पुगेर खेलको मजा लिन सक्नेछन्। साथै, क्लबको आधिकारिक फेसबुक र युट्युब च्यानलमार्फत प्रत्यक्ष प्रसारणको व्यवस्था गरिएको छ, जसले बाहिरबाट हेर्ने दर्शकहरूलाई सजिलो बनाउनेछ।