नेपाल प्रिमियर लिग (एनपीएल) क्रिकेटको दोस्रो संस्करणको उद्घाटन खेलमा काठमाण्डू गोर्खाजले साबिक विजेता जनकपुर बोल्ट्सलाई पाँच विकेटले पराजित गर्दै विजयी सुरुआत गरेको छ।
कीर्तिपुरस्थित त्रिभुवन विश्वविद्यालय क्रिकेट मैदानमा टस हारेर पहिले ब्याटिङ गरेका जनकपुरले निर्धारित २० ओभरमा ६ विकेट गुमाई १३० रनको सामान्य योगफल खडा गरेको थियो।
काठमाण्डूको सहज रन–चेइस
जवाफमा काठमाण्डूले १८ ओभरमै पाँच विकेट गुमाउँदै लक्ष्य पूरा गर्यो।
काठमाण्डूको जितमा बेन चार्ल्सवर्थ ‘म्यान अफ द मोमेन्ट’ बने—उनी ४६ रनमा अर्धशतक बनाउन चार रनले चुके। उनले २३ बलमा ३ छक्का र ५ चौका प्रहार गर्दै आक्रामक ब्याटिङ गरे।
ओपनिङ जोडीले दमदार सुरुआत दिलाउँदै बेन चार्ल्सवर्थ र आकाश त्रिपाठीले ७० रनको साझेदारी गरे।
- आकाश त्रिपाठी, ३९ रन (४५ बल, ५ चौका)
- भीम सार्की, ३ रन
- मिलिन्द कुमा , १९ रन (१ छक्का)
- जोन सिम्पसन , १३ रन (१ छक्का, १ चौका)
एरास्मस (१ रन) र मोहम्मद आदिल आलम (८ रन) अविजित रहे।
जनकपुरका ललित राजवंशी, जन निकोल लफ्टि–एटन, सञ्जय कृष्णमुर्थी, किशोर महतो र अनिल साहले एक–एक विकेट लिए।
जनकपुरको पारी: आसिफको अर्धशतकले पनि बचाउन सकेन
उत्कृष्ट सुरुवातका बाबजुद जनकपुर पाँचौं ओभरमै लगातार दुई विकेट गुमाएपछि दबाबमा पर्यो।
ओपनर आसिफ शेखले ४१ बलमा ५४ रन बनाए। उनी दोस्रो संस्करणमा छक्का प्रहार गर्ने पहिलो खेलाडी समेत बने।
- लाहिरु मिलनथा, ७ रन
- अनिल साह, ० रन
- मायान यादव, ३४ रन अविजित (१ छक्का, २ चौका)
- लाहिरु समाराकुन , २२ रन (२ छक्का)
काठमाण्डूका मिलिन्द कुमारले ४ ओभरमा १५ रन खर्चेर ३ विकेट लिए। करण केसी, साहद आलम र सन्तोष यादवले १–१ विकेट हात पारे।
दोस्रो संस्करणमा आठ टोली सहभागी छन्
जनकपुर बोल्ट्स, सुदूरपश्चिम रोयल्स, काठमाण्डू गोर्खाज, विराटनगर किङ्स, चितवन राइनोज, लुम्बिनी लायन्स, पोखरा एभेन्जर्स र कर्णाली याक्स।
भोलि (मंगलबार) का खेलहरू
पहिलो खेल चितवन राइनोज vs कर्णाली याक्स ११:४५ बजे
दोस्रो खेल विराटनगर किङ्स vs पोखरा एभेन्जर्स ४:०० बजे