काठमाडौं । अब क्यान्सरको औषधिबाट मधुमेहको उपचार गरिने भएको छ।
अष्ट्रेलियाको बेकर हार्ट इन्स्टिच्युटका वैज्ञानिकहरूले आफ्नो अनुसन्धानको क्रममा उक्त कुरा पत्ता लगाएका हुन्। नेचर म्यागजिनमा प्रकाशित अनुसन्धान पत्रका अनुसार अनुसन्धानकर्ताहरूले अनुसन्धानमा दुईवटा क्यान्सर औषधि प्रयोग गरेका थिए, जसलाई अमेरिकी खाद्य तथा औषधि प्रशासनले अनुमोदन गरेको थियो।
मोनाश विश्वविद्यालयका वैज्ञानिकहरूले यस दिशामा पहिले नै अनुसन्धान गरिसकेका छन्, जसलाई बेकर हार्टका वैज्ञानिकहरूले अगाडि बढाएका हुन् वैज्ञानिकहरूको अर्को चरण यो औषधि जनावरहरूमा परीक्षण गर्ने हो। तर, बेकर इन्स्टिच्युटका वैज्ञानिक साम अल ओस्टाले यो उपचार मानिस र जनावर दुवैका लागि फाइदाजनक हुने बताए।
विश्व स्वास्थ्य संगठनका अनुसार विश्वमा ४२ करोडभन्दा बढी मधुमेहका बिरामी छन्। तीमध्ये अधिकांश गरिब देशहरूमा छन्। हरेक वर्ष यो रोगले १५ लाखभन्दा बढीको ज्यान लिन्छ।
विगत केही दशकयता बिरामीको संख्या निरन्तर बढ्दै गएको छ। भारत मधुमेहको हिसाबले विश्वको शीर्ष १० देशहरूमा पर्छ। इन्डियन काउन्सिल अफ मेडिकल रिसर्चको २०२२ को रिपोर्ट अनुसार ९५,६०० जनामा टाइप १ मधुमेह थियो।
