तनहुँ, १५ असोज– पेलिकन्स क्रिकेट क्लब तनहुँ जिल्लामा क्रिकेट संस्कृतिको विकास गर्ने उद्देश्यले २०७८ मा स्थापना भएको हो ।
क्लबका सहसंस्थापक चन्द्रकान्त पौडेलका अनुसार “अभ्यास खेल नहुँदा खेलाडीले प्रदर्शन र सुधारका हिसाबले खासै खेल देखाउने अवसर पाएका हुदैनन पेलिकन्स क्रिकेट क्लबले तनहुँमा क्रिकेटको विकास गर्न र खेल प्रेमीलाई अवसर दिन क्लबले गर्न सक्ने सबै काम गरिरहेकोल छ ।
चाहे त्यो टूर्नामेन्ट आयोजना गरेर होस् वा देश भरि केही गुणस्तरीय क्रिकेट खेल्नको लागि टुरको व्यवस्था गरेर होस्।” अघिल्लो वर्ष मात्रै तनहुँ जिल्लाले ३ जिल्ला स्तरीय प्रतियोगिता जितेको छ भने ४ मध्ये १ मा उपविजेता बनेको थियो ।
क्लबको विकासमा व्यास नगरपालिकाले सुरुदेखि नै ठूलो भूमिका खेलेको छ । क्रिकेट इभेन्ट विकास र आयोजना गर्न वार्षिक प्रायोजनको रूपमा, व्यास नगरपालिकाले वार्षिक करिब १ लाख सहयोग गर्दछ।
बढ्दो चरणमा खेलाडीले यात्रा, बास र खानाको लागि आफ्नै खर्चहरू व्यवस्थापन गर्ने गर्दथे। तर पछिल्लो समय NCS Educational Foundation ले खेलाडीलाई आर्थिक रुपमा सहयोग गर्न अगाडि आएको छ ।
जसले वार्षिक करिव ५० हजार दिने प्रतिबद्धता गरेको छ। राम्रो कामको प्रशंसा भएको देख्दा आनन्द र खुशी भएको क्लबका एक सदस्यले भने ।यसले खेलाडीहरूलाई उनीहरूले खेलेका हरेक खेलमा राम्रो गर्न उत्प्रेरित गर्नेछ।
क्लबको स्थापनापछि नियमित मेहनती खेलाडीमध्ये केहीले नेपालका विभिन्न प्रदेशबाट प्रादेशिक टोलीमा प्रतिनिधित्व गरिसकेका छन् ।
सम्बन्धित निकायले क्रिकेट वातावरणको पागलपनलाई ध्यानमा राखी प्रक्रियामा काम गरेमा तनहुँ नेपालको अग्रणी क्रिकेट जिल्ला बन्न सक्ने चन्द्रकान्ता बताउछन्।
क्रिकेट मैदान नहुँदा खेलाडीहरू घरबाट टाढा बसेर विभिन्न सहर र भारतमा समेत अभ्यास गर्न बाध्य छन् । चीजहरू चाँडै सुधार हुनेछन भन्ने उनको आशा छ ।
