काठमाडौ, १९ भदौ– एसिया कप क्रिकेटअन्तर्गत हिजो सोमबार राति श्रीलंकामामा भएको नेपाल र भारतबीचको खेल रोमाञ्चक रह्यो ।
साहसिक ब्याटिङमार्फत नेपालले भारतसामु चुनौती पेश गर्योर । उक्त प्रतिस्पर्धा केवल ‘खेल’मा मात्र सीमित रहेन । यो खेलको क्रममा मैदानमा देखिएका क्याजुअल दृश्यले नेपाली फ्यानलाई मोहित बनायो ।
नेपालले ब्याटिङ गरिरहँदा भारतले फिल्डिङ गरिरहेको थियो । त्यस क्रममा रंगशालामा चर्चित नेपाली गीत ‘कुटुमा कुटु सुपारी दाना’ समेत बजाइयो ।
उक्त गीतमा भारतीय क्रिकेटर विराट कोहलीले नृत्य गरेपछि यो बिषयले धेरै चर्चा पायो । मंगलबार भारतीय अनलाइन पोर्टलहरुमा यो गीतमा विराटले गरेको डान्सले प्राथमिकता पाएको छ ।
टाइम्स अफ इन्डिया लगायतका मिडियाले नेपाली फिल्मको गीतमा विराटले गरेको डान्सलाई लिएर समाचार लेखेका छन् । ‘विराटले कहिल्यै पनि फ्यानसँग इन्गेज हुने मौका गुमाउँदैनन्,’ टाइम्स अफ इन्डियाले डान्सको क्लिप सेयर गर्दै लेखेको छ ।
विराटको यो डान्सलगत्तै नेपाली अभिनेता आसिफ शाहले लेखे, ‘दुई कुराले खुसी छु । टिम नेपालले २३० रन बनाउनु र विराट कोहलीले कुटुमा कुटुमा नाच्नु ।’
फिल्म ‘दुई रुपियाँ’मा समावेश यो गीतमा अभिनेत्री स्वस्तिमा खड्कासँगै आसिफले पनि अभिनय समेत गरेका छन ।