लगन सकिदै गर्दा सुनको मूल्य पनि घट्यो

साताको पाँचौं दिन आज पनि सुनचाँदीको मूल्य नेपाली बजारमा घटेको छ ।

बुधबार प्रतितोला एक लाख एक हजार रूपैयाँमा कारोबार भएको र छापावाल सुनको मूल्य बिहीबार ७ सय रूपैयाँले घटेर एक लाख ३ सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै तेजावी सुन प्रतितोलामा ९९ हजार ८ सय रूपैयाँमा कारोबार भइरहेको र चाँदीको मूल्य पनि बिहीबार २० रूपैयाँले घटेर १ हजार ३८० रूपैयाँमा कारोबार भइरहेको महासंघले जनाएको छ ।