धरान उपमहानगरपालिकाका मेयर हर्क साम्पाङले नेकपा एमालेका अध्यक्ष केपी शर्मा ओलीलाई हाउडेको संज्ञा दिएका छन् ।
ओलीले शुक्रवार एमालेको चुनावी सभालाई सम्बोधन गर्ने क्रममा नेकपा एमालेले धरानमा कोशीको पानी ल्याउने बताएको प्रसङ्गलाई लिएर साम्पाङले सामाजिक सञ्जालमार्फत टिप्पणी गर्दै एमालेका अध्यक्ष ओलीलाई हाउडेको संज्ञा दिएका हुन् ।
र्हकले ओली बोलेको भाषणको स्क्रिनसटसमेत सेयर गर्दै ओलीले कोशीको पानी धरानमा ल्याउने भनेर गफ दिएको उल्लेख गरेका छन् । ‘ग्यासको पाइप घर घरमा पुराएर पानी जहाजमा नेपालीलाई शेयर गराउनेले कोशीको पानी ल्याउने गफ दिएछ’,
उनले लेखेका छन्, ‘म ल्याउँछु पानी कोशीको धेरै चुनौती नदिँदा हुन्छ हाउडेले ।’ ओलीले हर्क साम्पाङलाई हियाउँदै धरानमा पानीको समस्या अहिलेका मेयरले समाधान गर्न नसक्ने टिप्पणी गरेका थिए ।
उनले भनेका थिए( यहाँका मेयरलाई खानेपानी ले, खानेपानी ले भनेर कतिवटा घैला बोकुन् बिचरा ? कोशीबाट पम्पिङ गरेर पानी ल्याएर एमालेले धरानवासीलाई खुवाउँछ, तपाईँहरू ढुक्क हुनुस्। गरेको बजेटले त्यो आयोजना हुन्छ तरु हुँदैन। तर म केही भन्दिनँ, छान्ने बेला आँखा देख्नुभएन। त्यत्रो कोशी त्यहाँबाट बग्छ धरान काकाकुल हुने कसरी मिल्छ ?