गत आर्थिक वर्ष विद्युत चुहावट झण्डै २ प्रतिशतले घटेको छ: मन्त्री भुसाल

४४६ सर्किट किलोमिटर थप भएसँगै नेपालको प्रसारण लाइन कूल ५ हजार ८६ सर्किट किलोमिटर पुगेको छ । मन्त्री भुसालका अनुसार गत आर्थिक वर्ष विद्युत चुहावट झण्डै २ प्रतिशतले घटेको छ । अघिल्लो वर्ष १७.१८ प्रतिशत रहेको चुहावट गत वर्ष १५.३८ प्रतिशतमा आइपुगेको छ ।

मन्त्रालयको कार्यभार सम्हालेयताको कार्यप्रगति सार्वजनिक गर्दै मन्त्री भुसालले २० युनिटसम्म विद्युत खपत गर्ने ग्राहकलाई (सामुदायिक संस्था अन्तर्गतका ग्राहकसमेत) निःशुल्क विद्युत उपलब्ध गराउने निर्णय कार्यान्वयनमा आइसकेको जानकारी दिइन् ।

विद्युत आधारभूत आवश्यकताको साथै उत्पादनको साधन हो भन्ने मान्यताका साथ महसुल पुनरावलोकन गरी सिँचाइमा प्रयोग हुने विद्युतमा ७५ प्रतिशतसम्म सहुलियत दिने गरी प्रति युनिट २ रुपैयाँसम्म महसुल कायम गरिएको समेत उनको भनाइ छ ।