अर्थमन्त्रायले गठन गरेको पूँजी बजार सुधार सुझाव समितीले पूँजी बजारको विकासका लागि धितोपत्र दलाल(ब्रोकर) हरुसंग आवश्यक सुझाव माग गरेको छ । समितीले सरोकारवाला विभिन्न निकायहरुसंग आवश्यक छलफल गरी सुझाव पेस गर्नेछ ।
‘अर्थमन्त्रालयले गठन गरेको सुझाव समितीबाट बजारको विकासका लागि गर्नुपर्ने कामहरु र ब्रोकरका समसयाहरुका बारेमा आवश्यक सुझाव माग भएको छ अब सबैले बजारको अवस्था र समस्याका बारेमा समितीलाई जानकारी गराउनुका साथै केहि सुझाव समेत दिन्छौ’ एक ब्रोकरले अर्थसंसारसंग भने ।
अर्थमन्त्री जनार्दन शर्माले धितोपत्र बोर्डको ३० औँ वार्षिकोत्सवमा धितोपत्र विकासका लागि सुझाव समिती गठको घोषणा गरेका थिए । समितीको संयोजकमा धितोपत्र बोर्डका निमित्त कार्यकारी निर्देशक नियदेव आचार्य छन् भने समितीको सदस्य सचिवमा बोर्डकै उपकार्यकारी निर्देशक रुपेश केसी रहेका छन् । समितीमा अर्थ मन्त्रालय र राष्ट्र बैंकका एक एक जना प्रतिनिधीहरु रहेका छन् ।
