एकीकृत समाजवादीका नेता तथा संस्कृति, पर्यटन तथा नागरिक उड्डयनमन्त्री प्रेमबहादुर आले बिहीबार छिमेकी राष्ट्र भारत भ्रमणका लागि जाँदै छन्।
पर्यटन तथा नागरिक उड्डयनका क्षेत्रमा भारतीय सरकार तथा वीङ्स इन्डिया २०२२ ले गर्न लागेको एक कार्यक्रममा सहभागी हुन मन्त्री आले भारत जान लागेका हुन्।
भारतीय प्रधानमन्त्री नरेन्द्र मोदीले भारतको हैदरावादमा हुने उक्त कार्यक्रमको शुक्रबार उद्घाटन गर्ने तय भएको बताइएको छ।
विभिन्न राष्ट्रका संस्कृति, पर्यटन तथा नागरिक उड्डयनमन्त्री सहभागी हुने कार्यक्रममा मन्त्री आलेले नेपालको पर्यटन प्रवर्द्धन तथा नागरिक उड्डयनका क्षेत्रमा धारणा राख्ने कार्यक्रम रहेको उक्त कार्यक्रममा सहभागी हुन जान लागेका नेपाल नागरिक उड्डयन प्राधिकरणका डिडिजी हंशराज पाण्डेयले बताए।
उनकाअनुसार उक्त कार्यक्रममा मन्त्री आलेले बढीभन्दा बढी पर्यटक भित्र्याउन तथा भारतसँग सिमान जोडिएका यहाँका विभिन्न विमानस्थलमा हवाई रुट खोल्नेलगायत आवश्यक सहयोगका लागि भारत सरकारसँग आग्रह गर्ने कार्यक्रम तय भएको छ।