बैंकहरूकाे आधार दर बढेकाे छ । माघदेखि लागु हुने गरी २७ वटै वााणिज्य बैंकहरुले आधार दर बढाएका छन् । आधारदरमा भएको वृद्धिसँगै कर्जाको ब्याजदर २ प्रतिशत विन्दुसम्म बढेको छ । बैंकहरुको निक्षेप लागत बढेकाले आधारदर बढन गएको हो ।
गएको असोजमा बैंकहरुले निक्षेपको ब्याजदर बढाएका थिए ।
एनआईसी एसिया बैंकको पुस मसान्तसम्ममा आधारदर सबैभन्दा धेरै ९.५४ प्रतिशत कायम भएको छ ।
गत आवको सोही अवधिमा भन्दा करिब ३९ प्रतिशतले एनआईसीको आधारदर बढेको छ ।
राष्ट्रिय बाणिज्य बैंक र स्टाण्डर्ड चार्टर्ड बैंक र नेपाल बैंकको आधारदर सबैभन्दा कम छ । राष्ट्रिय बाणिज्य बैंकको ६.६० र स्टाण्डर्ड चार्टर्ड बैंक ६.८३ र नेपाल बैंकको ७.०८ रहेको छ
स्थिर ब्याजदरमार्फत कर्जा लिएका ऋणीलाई बढेको आधारदरले असर गर्नेछैन । तर, परिवर्तनशिल ब्याजदरमा कर्जा लिएका ऋणीको भने ब्याजदर बढेको छ ।
निक्षेप लागत, अनिवार्य नगद मौज्दात लागत, वैधानिक तरलता लागत र सञ्चालन लागतका आधारमा बैंकको आधारदर निर्धारण गरिन्छ ।