आज थप ४८२ जना संक्रमित, कुल संक्रमितको संख्या १४,०४६ पुग्यो

काठमाडौं, बुधबार ४८२ जना कोरोना संक्रमित थपिएका छन् । काठमाडौं स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले आज ४८२ जनामा कोरोना पुष्टि भएको जानकारी दिनु भएको छ ।

योसँगै नेपालमा कुल कोरोना संक्रमित संख्या १४,०४६ जना पुगेको छ । पछिल्लो पटक बुधबार ४८२ जना संक्रमित थपिएका हुन् । यसैगरी, ४,६५६ जना संक्रमित उपचारपछि निको भएर घर फर्किएका छन् । यही संक्रमित मध्येबाट ३० जनाको मृत्यु भएको छ ।