‘
सिन्धुली , दुधौली नगरपालिका १३ मा स्काभेटरमा आगलागी भएको छ । ‘एमानियल कन्ट्रक्सन’ कम्पनीको स्काभेटरमा आगलागी भएको हो। आगलागी भएको स्काभेटर जलेर पूर्णरुपमा क्षति भएको तर स्काभेटरको नम्बर खूल्न नसकेको ईलाका प्रहरी कार्यालय डकाहाले जनाएको छ । अज्ञात समुहले स्काभेटरमा आगलागी गरेको प्रहरीले जानकारी दिएको छ ।
प्रहरीका अनुसार घटनाको मुचुल्का तयार गरिएको छ भने अनुसन्धान शुरु गरिएको छ। मंगलबार काम सकेर साँझ स्काभेटर पार्किङ गरी चालक र सहचालक हिंडेका थिए । आगलागी भएको स्काभेटर दुधौली देखि अरुणठाकुर जाने सडक निमार्णमा प्रयोग हुने गरेको बताइएको छ ।
बिहान आगलागी भएको देखेपछि स्थानीयले आगो निभाउने प्रयास गरेपनि नसकिएको प्रहरीको भनाई छ ।
