प्युठान , स्वर्गद्धारी नगरपालिका ४ कोलवांग भिरमा बोलेरो दुर्घटना हुँदा एक जनाको ज्यान गएको छ भने तीन जना घाईते भएका छन । विहिवार विहान भिंग्रीबाट पानी बोकेर स्वर्गद्धारी जाँदै गरेको बोलेरो गाडी दुर्घटना भएको जिल्ला प्रहरी कार्यालय प्युठानले जनाएको छ ।
मृतकको सनाखत भईनसकेको स्वर्गद्धारी नगरपालिकाका नगरप्रमुख नेत्रबहादुर रोकायका स्वकिय सचिव रमेश पोख्रेलले जानकारी दिए ।
गाडी कोलवांग देखी करिब चार सय मिटर तल खसेको छ । घाईतेको प्राथमिक स्वास्थ्य चौकी भिग्रीमा उपचार भइरहेको र डाईभर फरार रहेको छ । उक्त घटनाबारे थप विवरण आउन बाकी रहेको जिल्ला प्रहरी कार्यालय प्युठानले जनाएको छ ।
