काठमाडौं, प्रहरीले तिहारको मुखमा पक्राउ गरेर केही दिनपछि छाडेको ¥यापर गायक भिटेन समीर घिसिङ गायनमा फर्किएका छन् । उनी तारिखमा छुटेका हुन् ।
उनले नयाँ चलचित्र सरौंतोका लागि शीर्ष गीत गाएका छन् । यो गीतको भिडियो शुक्रबार बेलुका रिलिज गरिएको छ । भिटेनले १३ मंसिरमा रिलिज हुने लागेको चलचित्र ‘सरौतो’को प्रमोशनल गीत गाएका छन् । यो शीर्ष गीतमा भिटेनकै शब्द तथा संगीत पनि छ ।
गीतलाई निर्माण पक्षले सार्वजनिक गरेको हो । गीतलाई ‘सरौंतो’ टाइटलमा रिलिज गरिएको हो । उक्त गीतको भिडियोमा भिटेन र नायिका सुमी मोक्तानले अभिनय गरेका छन् । नेपाली चलचित्रका लागि आफ्नो यो पहिलो गीत भएको भिटेनले बताएका छन् ।
