काठमाडौं ,हेमराज बिसीको निर्देशनमा रहेको चलचित्र ‘घामड शेरे’ को दोस्रो टे«लर सार्वजनिक गरिएको छ । राजनीतिक तथा सामाजिक विषयलाई प्रस्तुत गरिएको यस चलचित्रमा वास्तविक जोडी अभिनेता निश्चल बस्नेत र अभिनेत्री स्वस्तिमा खड्काले पहिलोपल्ट जोडी बाँधेर काम गरेको देख्न पाइन्छ । निश्चलको सालीको भूमिकामा स्वस्तिमाले अभिनय गरेको ‘घामड शेरे’ को दोस्रो ट्रेलरमा प्राकृतिक विपत्ति र संघर्षको विषयलाई देखाइएको छ ।
यस चलचित्रमा अभिनेत्री गौरी मल्लको विशेष भूमिका पनी रहेको छ । त्यसैगरी चलचित्रमा सुष्मा निरौला, बादल भट्ट, लोकेन्द्र लेखक लगायत कलाकारका समेत अभिनय छ । निर्देशक हेमराज बिसीकै कथा र पटकथा रहेको यो चलचित्र आउँदो शुक्रबारदेखि देशव्यापी प्रदर्शनमा आउने भएको छ ।
