अर्घाखाँची , अर्घाखाँची क्रिकेट संघले पत्रकार सम्मेलन गरि ट्रफी सार्वजनिक गरेको हो । यहि कार्तिक १८ गतेबाट सन्धिखर्कमा हुने एपिएल क्रिकेट प्रतियोगितामा करिव पाँच लाख खर्च हुने आयोजक संस्थाले बताएको छ ।
प्रतियोगितामा प्रथम हुनेले १ लाख ५ हजार र द्धितिय हुनेले ५५ हजार सहित ट्रफी, मेडल र प्रमाणपत्र प्राप्त गर्ने पत्रकार सम्मेलनमा जानकारी गराईएको छ । आयोजक संस्थाका अनुसार प्रतियोगितामा चार टिमको सहभागिता रहने छ ।
जस अन्तरगत एम्स स्टारको टिम क्याप्टेन बिक्रम भुुसाल, सुपर सुपाको टिम क्याप्टेन त्रिभुज कार्की, नमस्ते अर्घाखाँचीको टिम क्याप्टेन मनोज सापकोटा, रोयल सन्धिखर्कको टिम क्याप्टेन जगत क्षेत्री रहने र उनिहरु बिच खेल प्रतिस्पर्धा हुने आयोजकले जानकारी गराएका छन् । खेललाई सहयोग गर्न खेलप्रमिहरु लाई आग्रह समेत गरिएको छ ।
