ललितपुर , नेपाली काँग्रेसको जिल्ला कार्यसमिति नुवाकोटका सदस्य ज्ञानेन्द्र गजुरेल बलात्कारको आरोपमा पक्राउ परेका छन् । असोज २९ गते १९ वर्षीया एक युवतीलाई बलात्कार गरेको आरोपमा प्रहरीले गजुरेललाई पक्राउ गरेको हो । उनीमाथि एक युवतीलाई साथीको कोठामा लगेर बलात्कार गरेको आरोप छ ।
उनका सहयोगी नेकपाका कार्यकर्ता सन्देश शर्मालाई पनि प्रहरीले ललितपुरबाट पक्राउ गरेको हो । कांग्रेस युवा नेता गजुरेलले ललितपुरको कुमारीपाटीमा सन्देश शर्मा पोखरेलको कोठामा लगेर एक युवतीलाई बलात्कार गरेका थिए ।गजुरेल नेविसंघका पूर्व केन्द्रीय सदस्य समेत रहेको बताइएको छ ।
