पूर्वसभासद कमला सुवेदीको निधन

काठमाडौं, पूर्वसभासद कमला सुवेदीको निधन भएको छ ।उनी लामो समयदेखि ब्रेन ट्युमरको समस्याबाट पीडित थिइन् । तत्कालीन नेकपा (एमाले) को केन्द्रीय सदस्यसमेत भइसकेकी सुवेदीको ५० वर्षको उमेरमा निधन भएको हो ।
काठमाडौंको पशुपति आर्यघाटमा शनिबार बिहान उनको दाहसंस्कार गरिएको छ । सुवेदीको पार्थिव शरिरमा नेकपाका नेता माधवकुमार नेपालले पार्टीको झण्डा ओढाउनु भएको थियो । उनीप्रति अन्तिम श्रद्धाञ्जली अर्पण गर्न महासचिव विष्णु पौडेल, अष्टलक्ष्मी शाक्य, अमृत बोहरालगायतका नेता कार्यकर्ताहरु आर्यघाट पुगेका थिए ।
रामेछापको बाबियाखर्क माइती तथा मन्थली नगरपालिका वडा नं १ घर भएकी सुवेदी रामेछाप काठमाडौं सम्पर्क समितिको संयोजकसमेत हुन् । उनका श्रीमान, एक छोरी, एक छोरा छन् ।