काठमाण्डौ , सिन्धुपाल्चोकको इन्द्रावती गाउँपालिका–१० बडहरे झिल्केमा बस दुर्घटना हुँदा ५ जनाको घटनास्थलमै मृत्यु भएको छ भने ५० जनाभन्दा धेरै घाइते भएका छन् । अहिले उद्धारको काम भैरहेको छ ।
काठमाण्डौका लागि बिहान सिन्धुपाल्चोकको सिपाटारबाट छुटेको बा २ ख २७ १५ नम्बरको बस दुर्घटना हुँदा ४ पुरुषसहित एक महिलाको घटनास्थलमै मृत्यु भएको प्रहरीले जनाएको छ ।
मृत्यु हुनेको अझै परिचय खुलेको छैन । अहिले घाइतेलाई अस्पताल लैजाने काम भैरहेको जिल्ला प्रहरी कार्यालयका प्रहरी नायब उपरीक्षक (डीएसपी) माधव काफ्लेले जानकारी दिनुभयो ।
