घाइतेहरुको उपचार प्रबन्ध मिलाउन देउवाको आग्रह

काठमाडौं , पूर्वप्रधानमन्त्री एवम् प्रमुख प्रतिपक्षी दल नेपाली कांग्रेसका सभापति शेरबहादुर देउवाले आइतवार गएको भीषण हावाहुरीबाट घाइते भएकाहरुको उपचारका लागि थप प्रबन्ध मिलाउन सरकारसँग आग्रह गर्नु भएको छ । मंगलबार बिहान वीरगञ्जको नारायणी अञ्चल अस्पतालमा उपचार गराइरहेका घाइतेहरुको स्वास्थ्य अवस्थाका बारेमा जानकारी लिएपछि सभापति देउवाले सरकारलाई उपचारका लागि थप प्रवन्ध मिलाउन आग्रह गर्नु भएको हो । सभापति देउवा मंगलवार बिहान सहमहामन्त्री डा। प्रकाशशरण महतका साथ हेलिकप्टरबाट हावाहुरी प्रभावित क्षेत्रको स्थलगत निरीक्षणमा जानु भएको थियो ।