काठमाडौं, काँग्रेस नेता रामचन्द्र पौडेलले संस्कृति, पर्यटन तथा नागरिक उड्डयनमन्त्री रवीन्द्र अधिकारीको निधनले मुलुकलाई ठूलो क्षति भएको बताउनु भएको छ । काठमाडौको टुडिखेलमा हेलिकप्टर दुर्घटनामा निधन भएकाहरुलाई श्रद्धान्जली दिएपछि छोटो प्रतिकृया दिँदै काँग्रेसका वरिष्ठ नेता पौडेलले अधिकारी कम्युनिष्ट पार्टीका मात्रै नेता नभएर देशकै नेता भएको पनि बताउनु भयो । यो घटनापछि काँग्रेस मर्माहत बनेको समेत बताउनु भयो ।
