काठमाडौं – लिजेन्ड्री संगीतकार शम्भुजित बास्कोटाको निर्माण रहेको फिल्म ‘चौका दाउ’ सेन्सर पास भएको छ ।
केन्द्रिय चलचित्र जाँच समितिले १६ वर्ष मुनीका बालबालिकाले अभिभावकको सहयोगमा हेर्न मिल्ने गरि पिजी प्यारेन्स गाईडेड सर्टिफिकेट दिएको छ ।सौर्य प्रोडक्सनको प्रस्तुतिमा बनेको फिल्म २७ पुषबाट देशव्यापी रिलिज हुँदैछ । फिल्म पूणेन्दू झाको निर्देशनमा तयार भएको हो । फिल्मका निर्माता सौर्यजित बासकोटा र मनोज राजभण्डारी हुन् । सन्तोष पन्त, तैयव शाह वर्षा राउत, अजश्र ढुंगाना, विल्सिन विक्रम राई, रविन्द्र झा, निर्मल शर्मा, सोनिका केसी, श्याम राई, शिवशंकर रिजाल जोगिन्दरअब लगायतको अभिनय फिल्ममा छ ।दीर्घ गुरुङको छायाँकन, मित्रदेब गुरुङको सम्पादन, रोशन श्रेष्ठको द्वन्द्व, वसन्त श्रेष्ठ र भीमफेदी गाइजको नृत्य निर्देशन रहेको फिल्ममा वरिष्ठ संगीतकार शम्भूजित बास्कोटाको संगीत छ ।अभिमन्यू निरवीको लेखेका रहेको फिल्मलाई विके फिल्म्स्ले काठमाडौं र एफडीले मोफसलमा बितरण गर्नेछ ।
