असार २४, काठमाडौं । एजेन्सी
नेपाल र उत्तरी बिहारमा लगातार पानी परिरहेका कारण नदीहरूमा बाढी आएको छ ।
नेपालबाट भारततर्फ जाने सानाठूला नदीका कारण मुजफ्फरपुर, पूर्णिया, सुपौल, अररिया र सीतामढीमा बाढी आएको छ । मानिसहरू बाढीका कारण पलायन भइरहेका छन् ।
वाग्मती र बूढीगण्डकी नदीको जलस्तर बढिरहेको छ । बेनीबादमा वाग्मती खतराको निशानलाई पार गरिसकेको छ ।
नेपालको तराई र बिहारका विभिन्न भागमा लगातार भारी वर्षा भइरहेको छ । बिहारको सोनबरसामा बाँध फुटेर मुँहचट्टी गाउँमा पसेको छ । पानीको तेज प्रवाहका कारण घरहरू भत्किन थालेका छन् ।