फागुन ४, काठमाडौं ।
नायिका स्वेता खड्काले सर्वाधिक आशा गरेको चलचित्र ‘कान्छी’ आजबाट देशभरका हलमा रिलिज भएको छ ।
नायिका खड्काकै लगानी रहेको चलचित्रलाई आकाश अधिकारीले निर्देशन गरेका हुन् ।
चलचित्र क्षेत्रमा केहि बर्षपछि कमब्याक गरेकी नायिका खड्का यो चलचित्र उत्कृष्ट बनेको बताउँछिन् । चलचित्रले देशभरका सिंगल र मल्टिप्लेक्समा सुखद कारोबार गर्ने आशा गरिएको छ ।
काठमाण्डौको क्यूएफएक्समा चलचित्रलाई ५ शो मिलेको छ भने बीग मुभिजले ४ शो दिएको छ ।
चलचित्रमा स्वेताको साथमा नायक दयाहाङ राई, नायिका अनु शाह, कलाकार नीर शाह, भूमिका श्रेष्ठ लगायतका कलाकारको मुख्य भूमिका छ ।
चलचित्रको ‘चरी चट्ट परि भुरुरु’ बोलको गीत रिलिज अगावै हिट भएकाले पनि ‘कान्छी’को व्यापारलाई फाइदा पुग्ने अपेक्षा गरिएको छ ।
सोलो रिलिजको अवसर पाएको ‘कान्छी’को व्यापार उत्कृष्ट हुने अपेक्षा गरिएको छ ।