फागुन ३ , काठमाडौं ।
प्रदेश २ को मुख्यमन्त्रीको कार्यालय परिसरमा आगलागी भएको छ ।
सुरक्षाकर्मीले आगो निभाउन नसकेपछि दमकल बोलाइएको छ ।
जनकपुर चुरोट कारखाना (मुख्यमन्त्री कार्यालय परिसर)भित्रको फोहोर जम्मा गरेर जलाउन लाग्दा आगो नजिकैको जंगलसम्म फैलिएको हो ।
मुख्यमन्त्री कार्यालय परिसरमा सानो जंगल छ । जनकपुर चुरोट कारखानालाई मुख्यमन्त्री कार्यालय बनाउँदा सरसफाइ गरी धेरै फोहोर निकालिएको थियो ।
आगो निभाउन सेना खटिए पनि नसकेपछि दमकल बोलाइएको छ ।
