माघ ४, काठमाडांै ।
नेपाल आयल निगमले पेट्रोल, डिजेल र मटीतेलको मूल्य बढाएको छ ।
इन्डियन आयल कर्पाेरेसन (आइओसी)ले मंगलबार पठाएको नयाँ मूल्यअनुसार डिजेल र पेट्रोलमो मूल्य बढेर आएकाले डिजेल र मटीतेलमा दुई रुपैयाँ तथा पेट्रोलमा प्रतिलिटरमा एक रुपैयाँ मूल्य वृद्धि गरिएको हो ।
निगमले अन्तराष्ट्रिय बजारमा मूल्य बढेर आएकाले सोही अनुसार स्थानीय बजारमा मूल्य समायोजन गरेको जानकारी दिएको छ ।
- समायोजनपछि पेट्रोल प्रतिलिटर १ सय ३ रुपैयाँ र डिजेल तथा मटीतेल ८१ रुपैयाँ पुगेको छ ।
- मूल्य समायोजनपछि डिजेलमा ३ रुपैयाँ ५३ पैसा घाटा छ भने पेट्रोलमा २ रुपैयाँ ६७ पैसा नाफा छ ।
- एलपी ग्यासमा २ रुपैयाँ घाटा भए पनि मटीतेल र हवाई इन्धनमा भने नाफा छ ।