अफगानिस्तानमा १३ जना प्रहरी मारिए

कात्तिक १२, कुन्दुज । अफगानिस्तानमा लडाकूको आक्रमणमा परी कम्तीमा १३ जना प्रहरी अधिकारी मारिएका छन् ।

 

सुरक्षा चेकपोष्टमा आइतबार एकपछि अर्कोगरी भएको लडाकूहरुको आक्रमणमा १३ जना प्रहरी अधिकारी मारिएको र अर्का एकजना प्रहरी हराइरहेको पनि अफगानीस्तानी सरकारी अधिकारीहरुले जानकारी दिएका छन् ।

‘१३ जनाभन्दा बढी सुरक्षाकर्मी तालिबान लडाकूहरुको आक्रमणमा परी मारिएका छन्, लडाकूहरुले आइतबार बिहानै कुन्दुज प्रान्तको खानबाड जिल्लामा रहेको सुरक्षा चेकपोष्टमा आक्रमण गरेका थिए,’ जिल्ला प्रमुख हायातुल्लाह अमिरीले सिन्ह्वासँग भने । (रासस÷सिन्हवा)


प्रकाशित | २०७४ कार्तिक १२ प्रकाशित १०:२९

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ