बारा सिम्रौनगढको पछिल्लो मतपरिणाम यस्तो छ

असोज ३, बारा । सिम्रौनगढ नगरपालिकाको दुई वटा वडाहरुबाट शुरु गरिएको मतगणनाको पछिल्लो परिणाममा ११ नं. वडामा संघीय समाजवादी फोरमका उम्मेदवार अगाडी छन भने ४ नं. वडामा काँग्रेसका उम्मेदवार अगाडी देखिएका छन्।

१२१३ मत खसेको वडा नं. ४ मा ४०० सय मतगणना हुँदा काँग्रेसले प्रमुख पदमा ११४, उपप्रमुखमा १०१ र वडा अध्यक्षमा १७४ मत प्राप्त गरी अग्रता लिएको सिम्रोनगढ नगरपालिकाको निर्वाचन कार्यालयले जनाएको छ । काँग्रेसका उम्मेदवारलाई राजपाका उम्मेदवारले पच्छ्याइरहेका छन्। राजपाका प्रमुख पदका उम्मेदवारले १०३, उपप्रमुखले १४५ र वडाध्यक्षले ६९ मत पाएका छन्।

त्यसै गरि वडा नं. ११ मा जम्मा २०७१ मत खसेकोमा ४०० मत गणना सकिदा फोरमका प्रमुख पदका उम्मेदवार पन्नालाल कुशवाहाले १६७, उपप्रमुखका उम्मेदवारले १७३ र वडाध्यक्षका उम्मेदवारले १८३ मत ल्याई अग्रता लिएका छन भने काँग्रेसका प्रमुख पदका उम्मेदवारले ८८, उपप्रमुख पदका ९० र वडाध्यक्षका उम्मेदवार १०२ मत ल्याई फोरमका उम्मेदवारलाई पच्छ्याइ रहेका सिम्रौनगढ निर्वाचन कार्यालयले जनाएको छ ।

वडा नं. ११ र १ मा गरी काँग्रेसका प्रमुख पदका उम्मेदवार विजय शंकर यादवले १९१ मत ल्याएका छन भने फोरमका उम्मेदवार पन्नालाल कुशवाहाले २४१ मत ल्याएर अग्रता लिएका छन । त्यसै गरि राजपा उम्मेदवार किशोरी साहले १८९ मत ल्याएर फोरम र काँग्रेका उम्मेदवारलाई चुनौती दिइरहेको सिम्रौनगढका निर्वाचन अधिकृत चन्द्रबहादुर सिगजालीले बताए।

 


प्रकाशित | २०७४ आश्विन ३ प्रकाशित ०६:१२

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ