राष्ट्रिय प्रजातन्त्र पार्टीका अध्यक्ष कमल थापाले वर्तमान सरकारको विरोध गर्नुको अहिले कुनै औचित्य नभएको बताएका छन्।
विराटनगरमा सञ्चारकर्मीहरूसँग कुरा गर्दै उनले सरकार गठन भएको ६ महिना मात्र भएकाले अहिले नै मूल्यांकन गर्ने बेला नभएको स्पष्ट पारे।
उनले यातायात क्षेत्रको एकाधिकार सिण्डिकेट हटाउने र काम नगर्ने निर्माण व्यवसायीलाई कारबाही गर्ने कार्य रोकेकामा सरकारप्रति आपत्ति जनाएका छन ।
अध्यक्ष थापाले मुलुकको समस्या समाधानका लागि सबै राजनीतिक दलको सहमति लिएर सहकार्य गर्नु उपयुक्त हुने विचार व्यक्त गरे।
अध्यक्ष थापाले सनातन हिन्दू राष्ट्र, लोकतन्त्रसहितको राजसंस्थालगायतका विषय सहमतिका आधारमा टुंग्याउनुपर्नेमा जोड दिए।
