जेठ ७, काठमाडौं ।
दक्षिणी धादिङको धुनीबेसी नगरपालिका–३ को जीवनपुर इँटा उद्योगमा सोमबार अज्ञात समूहले विस्फोट गराएको छ ।
बम विस्फोटका कारण इँटा उद्योगको चिम्नी, जेनेरेटर, ट्रयाक्टरलगायतको सामग्रीमा क्षति पुग्दा रु छ लाख बराबरको नोक्सानी भएको इलाका प्रहरी कार्यालय खानीखोलाका प्रहरी निरीक्षक जीवन निरौलाले बताए ।
घटनाको अनुसन्धान भइरहेको र उद्योगमा विस्फोट गराउनेको खोजी भइरहेको प्रहरीले जानकारी दिएको छ । ६ महिनाअघि बिप्लव नेतृत्वको नेकपाले चन्दा मागेको र चन्दा नदिएकाले विस्फोट गराएको हुनसक्ने अनुमान गरिएको छ ।
६०० मजदुरले काम गर्ने उद्योगमा मजदुर नभएको मौकामा विस्फोट गराइएको थियो ।