वैशाख २७, काठमाडौं ।
उत्तर कोरियाले आफ्नो देशमा कैद तीन अमेरिकी नागरिकलाई मुक्त गरेको बताएको छ । प्योङयाङबाट अमेरिकी विदेशमन्त्री माइक पोम्पियो ती कैदीलाई लिएर मेरिल्याण्डस्थित एक सैन्य अखडामा पुगेको बताइएको छ ।
उनीहरुलाई स्वागत गर्न अमेरिकी राष्ट्रपति डोनाल्ड ट्रम्प र उपराष्ट्रपति माइक पेन्स पनि सोही स्थानमा पुगिसकेका जनाइएको छ ।
उत्तर कोरियामा किम दोङ चुल, किम हक सङ र किम सङ दुक नामक तीन अमेरिकी नागरिक कैद भएको बताइएको छ ।
