काठमाडौं , आज २८ जना संक्रमित कोसी अस्पतालबाट डिस्चार्ज हुने भएका छन् । विराटनगरको कोसी अस्पतालमा उपचाररत २८ जनाको रिपोर्ट नेगेटिभ आएपछि उनीहरु आज डिस्चार्ज हुन लागेको अस्पतालले जनाएको छ ।
जिल्ला स्वास्थ्य कार्यालय मोरङका प्रमुख ज्ञानबहादुर बस्नेतका अनुसार उदयपुरका ४, झापाका ७, मोरङका ६, सुनसरीका ४, सप्तरीका २ धनकुटाका ४ र खोटाङका एक गरी २८ जना डिस्चार्ज हुनेछन् । उनीहरु मध्ये ६ जना महिला र २२ जना पुरुष रहेको बताइएको छ ।
कोरोनामुक्त भएकाहरुलाई बिहीबार दिउँसो डिस्चार्ज गर्ने प्रदेश १ सकारले तयारी गरेको छ । योसँगै प्रदेश १ मा कोरोना मुक्त हुनेको संख्या ७६ पुगेको छ ।
