माघ १४, काठमाडौं । (एजेन्सी)
न्युयोर्कको प्रसिद्ध गुगेनहाइम म्युजियमले अमेरिकाका राष्ट्रपति डोनल्ड ट्रम्पलाई मन परेको पेन्टिङ दिन अस्वीकार गरेको छ ।
ट्रम्पले म्युजियमसँग भ्यानगगको पेन्टिङ “ल्यान्डस्केप विद स्ना”े मागेका थिए । पेन्टिङ नदिएर म्युजियमले ह्वाइट हाउसका लागि ट्रम्पलाई सुनले बनेको ट्वाइलेट दिने अफर गरेको छ ।
द वाशिङटन पोस्टको रिपोर्टअनुसार, म्युजियमले पेन्टिङ दिन नसकिएकोमा माफी माग्दै १८ क्यारेट सुनबाट बनेको ट्वाइलेट दिने बताएको छ ।
सुनको ट्वाइलेट लिने कि नलिने भनी ट्रम्प प्रशासनले स्पष्ट पारेको छैन ।
म्युजियमले भ्यानगगको पेन्टिङ आफ्नो विशेष संकलनको हिस्सा भएको र विशेष अवसरमा मात्र म्युजियमबाहिर केही समयका लागि लगिने बतायो ।
सुनको ट्वाइलेटलाई अमेरिका नाम राखिएको छ । म्युजियम जाने जोकोही पनि ट्वाइलेटको सीटमा बस्न पाउँछ ।
इटालीका कलाकार क्याटिलेनले यो ट्वाइलेट बनाएका हुन् र यो फरक फरक टुक्राहरू जोडेर बनाइएको हो । ट्वाइलेट बनाउन धेरै मेहनत गरिएको हो । यसलाई बनाउन कति पैसा लाग्यो भनी खुलाइएको छैन ।
यसको मूल्य चाहिँ १० लाख डलरभन्दा बढी छ ।
गुगेनहाइम म्युजियममा अरू पनि गजबका कुरा राखिएका छन् ।
