![](http://aayokhabar.com/wp-content/uploads/2018/01/PAINT-4.png)
माघ ११, काठमाडौं ।
न्यूजिल्याण्डमाथि २०२ रनको शानदार जित हात पार्दै अफगानिस्तान यू–१९ विश्वकप क्रिकेटको सेमिफाइनलमा पुगेको छ ।
क्राइस्ट चर्चमा अफगानिस्तानले जितका लागि ३१० रनको ठूलो लक्ष्य लिएको थियो ।
तर, घरेलु टोली न्यूजिल्याण्डले २.१ ओभरमा १०७ रन जोड्दा सबै विकेट गुमायो । उसका लागि क्याटनिल क्लार्कले ३८ र डेल फिलिप्सले ३१ रन बनाए ।
अफगानिस्तानका मुजीब र कवाईस अहमदले समान ४–४ विकेट लिए ।
यसअघि पहिले ब्याटिङ गरेको अफगानले ५० ओभरमा ६ विकेट गुमाएर ३०९ रन बनाएको थियो । उसका लागि रहमानुल्लाह गुरबाज र इब्राहिम जदरानले पहिलो विकेटका लागि ११७ रनको साझेदारी गरे । रहमानुल्लाह ६९ रनमा आउट भए । जदरानले ६८ रन बनाए ।
२२६ रन जोड्दा ५ विकेट गुमिसकेको थियो । तर, बाहिर साह र अजमुतुल्लाह उमरजाईले छैटौं विकेटकाम लागि ७९ रनको साझेदारी गरे । उमरजाईले ६६ रनको योगदान दिए भने बाहिर ६७ रनमा नटआउट रहे ।