काठमाडौं, विश्व स्वास्थ्य संगठन (डब्लुएचओ) को नेपालस्थित कार्यलयले आधारभुत स्वास्थ्य सुरक्षाका सावधानीहरु प्रयोग नगरेका कारण नेपालमा कोरोना संक्रमितको संख्या बढेको जनाएको छ ।
मानिसहरूले पर्याप्त दूरी कायम नगरेकाले नै जीवाणु फैलन सजिलो भएको जनाएको हो ।
डब्लुएचओका नेपाल प्रतिनिधि डा जोस भ्याण्डेलरले नेपालमा केही स्थानमा संक्रमण समुदाय स्तरमा नै फैलिएको बताउनुभयो ।
डा भ्याण्डेलरले संक्रमण कम गराउन लकडाउन मात्र विकल्प नभएकाले सबैले दूरी कायम गरी सावधानी अपनाउन सल्लाह दिनुभयो ।
