काठमाडौँ, प्रधानमन्त्री केपी शर्मा ओलीले उपचाररत प्रदेश नं ३ का मुख्यमन्त्री डोरमणि पौडेलको स्वास्थ्य अवस्थाबारे जानकारी लिनुभएको छ ।
बाँसबारीस्थित शहीद गङ्गालाल राष्ट्रिय हृदयरोग निवारण केन्द्रमा आज बिहान पुगी उहाँले त्यहाँ मुटुको शल्यक्रिया गराउनुभएका मुख्यमन्त्री पौडेलको अवस्था बुझ्नुभएको थियो । मुटुरोग विशेषज्ञ डा चन्द्रमणि अधिकारीको टोलीले उहाँको उपचार गरिरहेको छ ।
